Арал аудандық Орталық кітапхана 2018 жылдың 13 қазаны күні аудандық мәдениет үйінде эколог-жазушы, публицист, Сайлаубай Жұбатырұлының 70 жасқа толуына орай шығармашылық кешіне «Айдынды теңіздің айбынды ұлы» атты кең көлемді, мазмұнды кітап көрмесін ұйымдастырды.
Кітап көрмесінің мақсаты: Абыз Аралдың азаматы, өмір майданының қазанаты, теңіз тілекті, жауынгер жүректі, Сайлаубай Жұбатырұлының өнержолы мен шығармашылығын кейінгі ұрпақтарға насихаттау.

Көрме 3 бөлімінен тұрады.
Бірінші «Мен өзім ұқсап туған көк теңізге» бөлімінде: Аралдың төл перзентінің бірі-қарымды қаламгер, Қазақстан Жазушылар Одағының мүшесі, «Парасат» орденінің иегері, «Арал ауданының құрметті азаматы», эколог-жазушы Сайлаубай Жұбатырұлының өміржолы мен «Абыржы», «Абыржы» 3 томдық, «Алыстағы аралдар»,«Шығармалары», «Жасыл сағым», «Зеленый мираж» атты кітаптарымен таныстырылып, "Аралдың айсбергі" атанған, толқын тебіренткен талантты тың туындылары, Екінші «Әдебиет айдынын ақ желкені» бөлімінде: Жазушы-қаламгер Сайлаубай Жұбатырұлының Қазақстандағы экология тақырыбын бұдан 50 жылдан астам бұрын Арал теңізінің арнасынан қайтып бара жатқандығы жайлы мерзімді баспасөз беттеріне жарияланған мақалалары, Ал үшінші «Елдің атын ер шығарады» бөлімінде: Аралдың арда азаматы елдің жүрегінен орын тепкен ерен еңбектері мен өнер адамдарымен түскен фотосуреттері қойылып, оқырмандар назарына ұсынылды. Көрме жанында кітапхананың төменгі топ оқырмандары жазушыға өлең жолдарын арнады.