Қазақстанда « Бір ел - бір кітап» республикалық акциясы ҚР Мәдениет және ақпарат министрлігінің қолдауымен ҚР Ұлттық академиялық кітапханасы және ҚР Кітапханашылар Ассоциаясы бастамасымен 2007 жылдан бастап өткізіліп келеді.Акцияның мақсаты – қазақ әдебиетін насихаттау,қоғамда оқуға деген қызығушылықты арттыру,Қазақстанның әдеби мұрасын зерттеуге, оқып-білуге деген қызығушылықты дамыту,сондай-ақ өскелең ұрпақтың зияткерлік рухани дамуына – ықпал ету.Ә.Тәжібаев атындағы облыстық әмбебап ғылыми кітапханасының ұйымдастыруымен «Бір ел – бір кітап» республикалық акциясы аясында облыс кітапханашылары арасында «Жыл кітабын бірге оқимыз» атты онлайн-байқауы ұйымдастырылды.
Байқаудың мақсаты – кітапхана қызметкерлерінің кәсіби шеберліктерін шыңдауға жол ашу.Байқауға Ә.Әлімжановтің «Ұстаздың оралуы» шығармасын талқылау ұсынылды.
Аудандық, қалалық және ауылдық кітапхана қызметкерлері белсенділік танытқан бұл бәйгеде Арал аудандық орталықтандырылған кітапханалар жүйесінің мамандары да қатысып,жүлделі орындарға ие болды.Аудандық орталық кітапхананың кітапханашысы Шалманова Гүлнұр Маратқызы ІІ – орынды иеленсе, қалалық балалар кітапханасының меңгерушісі Өтегенова Мейрамкүл Махамбетжанқызы алғыс хатпен марапатталды. Әріптестерімізді жеңістерімен шын жүректен құттықтаймыз!



