Ана – өмірдің өзегі, тіршіліктің күретамыры, ыстық ықылас пен ыждаһаттың, нәзіктік пен сұлулықтың иесі. Еліміздің сән-салтанаты мен мерейінің үстем болуында да Әйел-Аналардың еселі еңбегі мен қажырлы қайратының үлесі жатыр. Аудандық орталық кітапханада Мемлекет басшысының Жарлығына сәйкес 2025 жыл «Жұмысшы мамандықтар жылы» болып жариялануына орай, 8 наурыз халықаралық әйелдер мерекесі қарсаңында «Әлем бізбен әдемі» атты мерекелік кеш болып өтті. Шараға саламыздың ардагер аналарымыз бен техникалық қызметкерлері және № 220 мектеп кітапханашылары, «Қарлығаш» балабақшасы мен № 2 ОММЛИ техникалық қызметкерлері қатысты. Кештің ашылуында кітапхана директоры Ж.Ақылжанқызы аяулы аналарды көктемнің жарқын мерекесімен құттықтап, аналардың отбасындағы және қоғамдағы рөліне тоқталып, ізгі тілегін жеткізді. Мерекелік кеш аясында кітапхана қызметкерлері өз өнерлерін ортаға салып, мәнерлеп өлең оқып, би билеп, аналарға арнап әсем әндер шырқаса, аудандық мәдениет үйінің әншісі С.Дінжанова әсем әннен шашу шашып мерекелік көңіл күй сыйлады. Шара соңында «Ана –тіршіліктің алтын арқауы» кітап көрмесіне шолу жасалды.
