Құрметті сайт қонақтары!

Қазақ халқы – тумысынан кез-келген игі іске, жақсы нәрсеге алғыс айтуды әдетке айналдырған. Ол әдетіміз біздің әдептілігіміздің белгісі. Елбасының Жарлығымен 1 наурыз - Алғыс айту күні болып бекітілді.Алғыс айту деген сөз – адамдардың бір –біріне жылу сыйлауы. Осы күнге орай, Абай атындағы орталық кітапханаға № 220 мектептің бір топ оқушыларын бастап келген, химия пәнінің мұғалімі Қанатов Нұрталап Елбасы Н.Ә.Назарбаев «ХХІ ғасыр - мәдениеттің, ғылым мен білімнің ғасыры.Бар білімнің қайнар көзі - кітапхана» деп атап өткеніндей, бүгінде мектеп пен кітапхананың тығыз байланыста екенін, мектептің кітап сүйер оқырмандарын шығарма әлеміне шақырып, олардың сыныптан тыс танымдық қабілеттерін дамытқан, оқушының ой-өрісін кеңейткен, өздігінен кітап оқуға тәрбиелеп, олардың оқуға деген құштарлықтарын оятқан, оқу мәдениетіне қалыптастырған барлық кітапхана ұжымына өз алғыстарын айтып, қолдарынан жасаған сыйлықтарын табыстады.

Аудандық орталық кітапханада Кеңес әскерінің Ауғанстан аумағынан шығарылғанына 30 жыл толуына орай Ауған жауынгерлерінің ел үшін қан кешкен тағдыры мен қаhармандықтары,өз отанына шексіз берілген,патриоттық рухы жоғары,қайсар жауынгер ағалардың ерлігін үлгі етіп,жастарымызды ұлтжандылыққа ,Отанын сүюге,Ауған соғысында қаза болған жауынгерлердің рухына тағзым етуге,есімдерін қастерлеу мақсатында "Ауғандағы сұм соғысты көрдім мен"атты ауған соғысының ардагерлерімен кездесу кеші өтті. Шараға ауған соғысының ардагерлері Т.Назаров,Т.Байбазаров, Б.Жұбанов, С.Бейсенбаев, О.Алдамжаров, А.Нөсербаев, З.Әжіғулов және колледж студенттері мен жастар ресурстық орталығының жастары қатысты.

Қосжар ауылдық кітапханасы мен №67 мектеп кітапханасының ұйымдастыруымен Елбасының «Ұлы даланың жеті қыры» мақаласы аясында, eл дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжат екендігін ұғындыру,оқырмандарға елінің тарихы мен мәдениетін білетін патриоттық сезім қалыптастыру мақсатында «Ұлы даланың көне сарындары» тақырыбында тарихи таным сағаты өткізілді. Шара барысында Қазақ халқының тарихын, салт-дәстүрін, тілін ұлықтау және ұлы даламыздағы ұлттық құндылықтарымыз бен қасиетті көне сарындар, жәдігерлеріміз туралы кеңірек мәлімет берілді.

Ұлы даламыздағы ұлттық құндылықтарымыз бен қасиетті жәдігерлеріміз туралы оқырмандарға тарихи әрі рухани байлықты сақтап, дамыту және ұлы дала кеңістігінен шыққан өркениеттік жетістіктерді ұмытпау,келер ұрпақтың үлесінде екендігін ұғындыру мақсатында орталық кітапхананың жанынан ашылған Коворкинг-білім орталығында «Ұлы даланың жеті қыры» атты тақырыптық кеш өткізілді.