12 наурыз күні Аманөткел ауылдық модельді кітапханасында «Жастар діни экстремизм мен терроризмге қарсы» атты дөңгелек үстел өткізілді.

Мақсаты: Жастарға терроризм туралы терең түсінік беру, оның түрлері, себептері мен зардаптарын ұғындыру. Лаңкестік және діни экстремистік бағытта арандатуға жол бермеу, жасөспірімдерге бейбітшіліктің маңызын және мейірімділік пен ізгілікті адамдарға жасай білудің өмірдегі басты ұстанымы екенін ұғындыру.

Шара барысында кітапханашы А. Абдрашов : Діни экстремизм мен терроризм–қазіргі таңда әлемдегі бейбітшілік пен тұрақтылыққа қауіп төндіріп отырған ғаламдық мәселе . Діни экстремизм мен терроризмнің таралуының өсіп келе жатқан сын-қатерлері халықаралық қоғамдастықтың алаңдаушылығын тудырады. Діни экстремизм кең таралған әлеуметтік-саяси құбылыс ретінде қоғам өмірінің әр саласына өзінің кері әсерін тигізуімен ерекшеленеді. Радикалды идеялардың дамуының жаңа кезеңінің бастауы экстремистік топтардың үгіт-насихат жұмыстарының киберкеңістікке ауысу үдерісі болып табылады.

Шараға қатысушы оқырмандар Б. Сапаров : Жастар арасында діни экстремизмнің алдын алу мәселесі ең алдымен әр отбасының, қоғамның және мемлекеттің жауапкершілігі шеңберінде қарастырылады. Азаматтық қауымдастықтың мемлекеттік органдармен бұл бағытта бірлесе жұмыс атқаруы маңызды жетістіктерге жетуге мүмкіндік береді. №73 орта мектеп мұғалімі Жақаев Еркін: Қазіргі кезде қоғамымызды адам санасын улап жатқан діни ағымдардың саны уақыт өткен сайын көбейіп барады.Осыған байланысты елімізде 1999 жылғы 13 шілдедегі «Терроризмге қарсы іс-қимыл туралы» Заң қабылданып, бірқатар діни ағымдардың қызметіне шектеу қойылған деп пікірлерімен бөлісті.