Аудандық орталық кітапханада «Әз Наурыз, төл жаңа жылым!» атты көрме жанындағы әңгіме өткізілді. Мақсаты: Наурыз мерекесінің мән мағынасын ашу, салт-дәстүр, әдеп – ғұрып туралы әдебиеттерді насихаттау арқылы, отаншылдыққа, адамгершілікке, имандылыққа тәрбиелеу. Шараға кітапхана қызметкерлері, тұрақты оқырмандар, барлығы - 15 оқырман қатысты.
Еліне бақыт сыйлаған Әз-Науры
Жақсықылыш қыстақтық кітапханада «Еліне бақыт сыйлаған Әз-Науры» атты әдеби - мерекелік кеш болып өтті. Мақсаты: Наурыз мерекесін ұлттық салт-дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру.
Мерекелік кешке кент әкімшілік қызметкерлері, тұрақты оқырмандар, барлығы - 19 адам қатысты.
Отбасы парасаттылық бастауы
Қалалық №4 кітапханада Халықаралық отбасы күніне орай «Отбасы парасаттылық бастауы» атты көрме жанындағы әңгіме ұйымдастырылды. Көрменің мақсаты: Отбасы құндылықтарының өзектілігін кейінгі ұрпаққа ұғындырып, отбасылық тәлім-тағылым мен пайдалы кеңестер беріп, отбасына деген сүйіспеншілік, мейрімділік сезімдерін ояту үлкенді-кішіні сыйлауға аялауға деген сезімдерін паш ету.
Шара барысында кітапханашы Л.Дарменова: «Тәрбие отбасынан басталады» деп халық даналығы бекер айтпаған. Саналы да, білімді болашағын қалыптастыру әрбір ата-ананың мерейлі міндеті, парасатты парызы.
Отбасы – мәңгілік елдің тірегі
Орталық кітапханада отбасы күніне орай Отанымыздың бақыты – отбасы бақытынан басталатыны, адамның бақыты отбасындағы береке бірлікте, отбасының берекеті - иманнан, отбасы бақыты-ұрпақ жалғастығында екенінен мол мағлұмат беріп, сыр ақтаратын кітап қорындағы шығармалардан ұйымдастырылған «Отбасы – мәңгілік елдің тірегі» атты кітап көрмесі оқырмандар назарына ұсынылып,көрме жанындағы әңгіме өткізілді.
Жат ағымның арбауынан аулақ бол
Сексеуіл ауылдық кітапханасының ұйымдастыруымен №231 мектепте қазіргі таңда ел арасына іріткі салып, айрандай ұйып жатқан халқымыздың бірлігін бұзу әрекеттерін жасап жүрген жат ағымдардың алдын алып, жастарға дәстүрлі дінімізді насихаттау мақсатында «Жат ағымның арбауынан аулақ бол» атты пікір алысу кеші өткізілді.
Шараға Сексеуіл кентінің бас имамы А.Ізбасханов, Ішкі істер бөлімінің инспекторы Б.Сағиев, № 231 мектептің тәрбие ісі жөніндегі орынбасары Ү.Байбарақова, психолог Л.Қайрақбаева, мектептің дінтану пәнінің мұғалімі Ж.Төрединов және кітапхананың жасөспірім оқырмандары, барлығы-қатысты.
